19 February 2012

April ni 1, 2009 a ni a. Ka In awm tih tur hre lo kut hlei chuan ka hmeichhe hian hnaivãi zual 20 vêl chu ‘Ka hmangaih lutuk che’ tiin SMS ka thawn chhuak a. A hnu lawkah chhànna a rawn lût indawt zut a, hun ãwl hnawh khah nan chuan a ha angreng viau nâ a, an mi chhànna thute ka'n hmuh tâkah chuan ka lungawi leh ta chiah lo va. Ngaihtuahna thar ka nei ta a.

Engati nge hetiang êm êma duh loh ka nih tâk mai le!?

Ahriati te tal kha chuan, “Mãwl lutuk suh, khatiang khan hiante an ti ngai em ni?” ti lovin, ‘I uang peih em mai,’ rawn ti tal sela ka la hrethiam ang. A lâk dân pawh ka la thiam deuh tur a nia. hian leh hian inchhàn nan chuan a na mah mah.


A nih loh leh, Amy te tal khân, ‘I nula rîmna aangin i rawn thawn a ni maw?” ti lovin, ‘Ka va'n lãwm êm êm,’ ti ringawt pawhin min chhâng se, ka rilru a na lo deuh ang a, hmangaihna lama a hmaa ka beidawn ang êma ka beidawnna kha a tiziaawm deuh tur a nia. Tuin nge nula rîmna aangin, ‘Ka hmangaih che’ tih thu thawn chhuak ngai rêng rêng ni? Ka thawn tawh malék ang.

Aveni te lai lai khân, “Fiamthu i duh hîn ém mai,” ti ringawt lo deuh khân, ‘Keini angte chu min duh tak tak nâng’ te la ti tal se la, mi pângngai a nih vânga sawi a nih hre kar chungin beiseina ka neih phah ve ang a, ‘Beiseina nei lo chu mitthi a ni,’ tihte mai mai chu ka arbâwm chhe vawm bo lawng lawng mai tur a nia. Beiseina siamtu chu ho tê a nia, a titâwptu lah ho tê bawk. Hringnun kawngzawhnaah hian beiseina hi min tichaktu a ni lutuk asin le.. Aveni lel lawl!

Ka hiannu kawmngeih êm êm Chhanpuii mawlh hian ka hnuk a tiulh zâwk. Khatia ‘Ka hmangaih che’ tih thu ka va thawn khân, “I kai chiang mai!” mi rawn ti mawle. Chu mai pawh duhtâwk lovin a hnuah mi la rawn call zui! Zûk leh hmuam leh ruihtheih thil ka ti lo tih hrechiangtu ber a ni. Dik tak sawi chuan ka làwmna chu ho tê tak tak a ni tih a hre vek a, min tihlàwm hi a hreh ngawih ngawih a nih kha. An inah chaw ka ei tawh nguar ang!

Helen-i te lai lai, an ti mak ve hrim hrim ka ti. “Fiamthu-na hun a nih loh hi…” rawn ti hlur lo khân, ‘I va'n ti làwmawm êm êm’ te tal la rawn ti sela chuan ka lãwm zâwk fé ang. Bialpa a nei tihte chu ka hre ve reng a, ka hria a ni tih pawh a hria a, ka fiamthu a ni tih pawh a hre vek – ‘Fiamthu-na hun a nih loh hi…’ a rawn ti ta rêng a. Mahse, khami phênah khân thil awm a awm – a mi duh loh a tina mah mah. Ka lungawi thei thlâwt lo.

Janet-i pawh kha pâwl sawmpakhat leh pawl sawmpahnih ka nih chhûng zawng khân kan zir ho a, kan inhrechiang thawkhat viau a. Hmêlha hle mah se, amah ka ngaizâwng tak tak lo tihte chu a hre ve lutuk. Mahse, khatia, ‘Ka hmangaih che’ tih thu ka thawn zîngah khân a lo hmu hmasa pâwlah a tel a niang, a hmasa ber dawtah mi rawn reply a, “hian angin kan inkâwm emaw tia, a va mak dâwn ve…” zu rawn ti a! A va beidawnthlâk nang nang hîn êm! Fiamthu man lo leh lutuk mai.

Ka lehkhazirpui, Hruaii kha alawm min tilàwm lo chu. “Naktûk chu i châk lo viau ang!” tiin mi la rawn vau lêt zaw mah mawle! Chhiartute u, hmangaihna chhàn lêt nân chuan  hriam mah mah e ti rawh u! Chuti lo deuhvin, ‘Bialnu i neih reng kha…’ rawn ti zâwk se, nei lêm lo mah ila, invau ai thlâwt chuan a lêt tam takin a nuam zâwk dâwn lo em ni? Tu’n nge chutiang awngkam ha pângngai avângin rilru tina duh tehlul ang le? awngkam tuboh pui puia in-reply reng mai.

Nia, unau angin kan inen a, a rawn sawi; kei paw'n ka hria. Kross-i nen chuan unau ang tak takin kan inen a, bai pawh mi rawn suah ngun lutuk! Chu pawh unau anga insuah a ni; kan hai lo. Mahse, ka awmhlei SMS kha mi dang ang bawkin a lo dawng ve a. Ka fiamthu a ni tih hriaa mi rawn reply duh pawh ka ring lo va, mahse, min reply hmasa ber dawt dawt dawt lehah a rawn ang! “Kan in-unau dân chu a va mak deuh ve…” a rawn ti! Chu chauh pawh chu tih tawh nâk alaiin, minute nga hnu vêlah, “Hetiang a nih dâwn chuan inkâwm tawh lo law law ang,” a la rawn ti ta deuh deuh. Êm êm chuan! A rilru a dam thei thlâwt lo. Ka fiamthu duh luatah ngaihdam dîl leh chung a ngaih phah. Hmeichhiate u, eng vângin nge maw hmangaihna hlan chu in huat viau ni?

Lalze-i hi ka nau hiannu a nia, kan inkâwmngeih êm êm tho a, chu vâng ngawt chuan ka fiamthu sâng khân a kal kân bîk lo. Ani mi chhàn dân erawh chu tlémin lem a nuam deuh – “A pawi khawp mai, hmangaih dang ka nei tawh a…” Pawi tak a ni! Hmangaih dang lo la nei lo se la chuan min hmangaih ve mai dâwn niin a lang. Pawi a tih tak tak phei chuan min hnâwl fithla hak lo tihna a ni a; ka lo fiamthu har mah mah a ni aw…! Pawi lo, hei hi chhinchhiah kar chi a ni, a hmangaih nena an boruak fuh lo deuh um hriat tum tur a ni; chumi atan chuan ka nau mawlh mai hi a pawimawh a, kawmngeih a ngai. Lalze, beiseina min pêk avângin ka lãwm e.

Ka hian ha Mapuii tak hi a nia, pâwl kua kan nih aangin kan lo inkâwm ve tawh a, awngkam mawihnâi deuh emawa inchhàn ve mai âwm, khati khawp khân kan lo inkâwm nasa ve a nia, ‘Inhian hatna hian hmangaihna a hring’ tih chu, “Min va hmusit ve a…” tia reply-na khân a phet thla ta dêr mai. Ti êm êma duh loh tihnat mai hi a nâ!

Mary kha, ka nau hming nena a inan avânga khatianga ti pawh ka ni lo; kan inkâwmngeih a, hrechiang thawkhatin ka inhria a, ngaihzâwng thîkthu chhe fahran a nei tih pawh ka hre vek tih a hre vek a. Khatianga SMS ka thawnte chuan ka tifiam mai mai a ni tih hriatthiam ve mai âwm, a mi chhànna khân pialrâl rim a nam lo êm mai.

An lo chhiar a nih pawhin lo thinrim lo mai se la. A mualpho zâwk tur chu a ziaktu hi ka ni tho a. Nia, ka college kalpui Mahmuni te, Pi te, Remruati te hi hmeichhia an nia, kei hi mipa ka ni thung a. Mipa leh hmeichhiate chu kan inkâwmngeih ta a. Chutah chuan kan inkârah thil piang a lo awm ta a. Chu chu eng dang a ni lo, hian inkawmngeihna.

Chu hian inkawmngeihna avâng tak chuan alawm, hian fìamin ka fiam ngam ni. Mahse, hian dawnsawna an lo dawngsawng ve thei tlat hin lo hi a pawi lai ber a ni. hian inkâwmngeih tak nih laia ‘Ka hmangaih che’ va tih chuan, ‘Kei paw'n ka hmangaih lutuk che’ lo tih zawm zat tur a ni ngãi a. Chutah chuan ka la thutak dâwn chuang lo; kan hlim ang a, kan nui zà ang, chu chu hian inkawmngeihna a ni.

Anni mi chhàn ve dân chu, blank message – a làwmawm lo lutuk. Engmah awm lova inthawn chu, ‘Engah mah ka ngai lo che,’ tihna tluk a nia, a dawngtu tân a làwmawm lo duh viau. Tihpalhah hi chuan ka la hrethiam. Mahse, hemi um na na na chu an tihpalh a ni lo tih chu kei pawhin ka ti palh lo a ni tih ka hriat avângin ka hrechiang êm êm. Hui ham! Luck loh theih cher cher ngei mai.

Hemi ni aangin ka hian hate chu ka ih ta dá mai a, anni lahin chuti tho. ‘Ka fiamthu hi a fuh lo nge a fuh lutuk zâwk aw…’ tih rilrûk vawng vawng châng ka nei ta. A hun lo lutuka fiamthu thawh hi a lo ha ber lo a nih hi.

Hemi ni aangin hun àwl hman dân pawh a hma aia uluk zâwk nachâng ka hre tawh a, ka thil tih tur apiang chu ngun taka ngaihtuah hmasak nachâng ka hre ta bawk.

A tâwpah ka thinrim tawh lampang beidawng deuh si chuan tlai khawhnuah, ‘April fooool!’ tih ka thawn leh ta vek a!

Categories:

24 comments:

  1. Nih duh hmel ve. Ka'n nuih huk chu le

    ReplyDelete
  2. Hehe.. I tih thin tawh duh hmel. ;-)

    ReplyDelete
  3. Kan va inang lo deuh ve. Vawikhat ka uang in ka ti vak tawh a. "Kei pawhhh" tih te, "I lub u too" tih te, ":-)" tih ringawt te, "mwah mwah mateee" tih te asin ka dawn, ka buai leh zek sia. hahaha...

    ReplyDelete
  4. Hahaha.. A lo va han inan loh theih tak ve le...! Hahaha!!

    ReplyDelete
  5. I ziak hlimawm thiam ang reng hle mai. Nang nge nge, i kianga awm hi a nuam awm ka ti thin, 'sense of humour' i ngah tih a hriat reng mai si a.

    Hmangaihna hi hmangaihna veka chhanlet hi a hlu ber na a, mi zawng zawng erawh inchhanlet vek chi a ni si lo. "Ka hmangaih che" han tih thlak zen hi thil harsa a ni lem lo, mahse hmangaih erawh pakhat tan bak a rem si lo.

    ReplyDelete
  6. Hehe.. Pu Caribou, ka bula awm hi a nuam lutuk bik miah lo a nia..:-) Ka ngawichawi angreng a nia. I comment a dik khawp mai.

    ReplyDelete
  7. Ka tlangval lai khan sms thawn ka hrat khawp a, en miahlo pawh khan ka type mial mial thei mawle. Motor a chuang chung pawhin ka type sual ngailo reng reng. :)

    ReplyDelete
  8. @Sangpuiipa, nitina khawih na na na chuan a lo bel ve theih khawp mai! Kei pawh ka hnehsawh par par teh a nia.:-)

    ReplyDelete
  9. Rilru engthawl takin ngaihnawm ti takin ka chhiar e. :)

    ReplyDelete
  10. He he... Ka hmangaih che ti ngawt lo deuh khan tuna mi ang hian han thluai thlum la chu i duh ang chhan aia thlum i dawn ngei ka ring e.

    Tin, tlar tin te bawp sei zawng a la in ang ta chuang lo. Justify keuh thin teh publish hma in :)

    ReplyDelete
  11. Haha.. Hotupa, ni e. Hei hi, hmanni i comment hmaa publish tawh a nih vang a nia. I sawi hnuah post ka la siam miah lo a nia.:-) Next post-ah ngei ngei. Computer atanga ka online hman hunah hei pawh hi ka lo edit dawn nia.. Thank you! :-D

    ReplyDelete
  12. TS keimah min rawn thawn ve la chu " I love you too!" ka lo ti puam chiang ang!!.

    I ziak ngaihnawm leh pek e..

    ReplyDelete
  13. Pi Ma, hahaha.. Ka nuihza lutuk!!! Ka lawm lutuk e. Thawn thawh hnihnaah chuan ka hmaih lo chiang ngawt ang che. Hahaha

    ReplyDelete
  14. hit tawp...nui khi thawna ka chhiar chhuah chu a..you are the perfect candidate for "FRIENDZONE"..haha

    ReplyDelete
  15. A va tha char char ve!

    Hmangaihna hi hlawhchhuah chi ang deuh niin ka hria. Miin ataka an lak chhan pawh chu thil serious tak a nih vang a ni. Hmangaihna avanga tlanchhuah kan nihna pawh hi turu tak a ni.

    Pathian pawh hian sense of humour/ fiamthu a duh a ni tih a hriat em em. Sanghawngsei a siam danahte hian hai chi rual a ni lo. A chezia reng reng hi a nuihzatthlak em!

    Tin, fiamthu duhtak bula awm hi a nuam a. Nunphung an hriatthiam dan hi a ril bik em em. Nangmahah pawh hian a chiang hle.

    Post ngaihnawm tak a ni. Thuziak awmze nei tak, hun leh hmun vawng thei, kum tamtak ral hnua thianza phuarhlawm leh theitu tur thuziak niin ka hria. Misual.com lamah ka suan phei chak khawp mai!

    ReplyDelete
  16. Haha...Ka nui hnem hle mai. April Fool tactic khi hman ve tur ani. Vei ruk deuh neite tan a tha khawp ang i tactic hi. An lo reply that hlauh chuan hlep, reply that loh leh 'APRIL FOOL' :D

    ReplyDelete
  17. @K'u Krista, i comment a ngaihnawm khawp mai. Bible chhungthu-ah pawh thu hlimawm lam a tam rëng a ni. Ka thuziak min hlutsak chu ka lawm kher mai. Misual.com lama suan phei chi zawng a ni lul lo!

    ReplyDelete
  18. @Khabezuma, khi post khi chu ka phuahchawp a nia, April Fool tactic erawh ka hmang tawh! Post-a hming lang zinga mi, ka thiannu Ahriati hi kan inkawmngeih khawp mai a, amah a felin a chhe lo reuh sia, min be chhe vak lovin ka hre ve tho sia. A rilru hriat ka châk chuan uangthuang deuh si-in April fool ni-ah tak mai 'Ka hmangaih che' tiin sms ka thawn a, 'thiante khatiangin an ti ngai ami?' tiin min reply a. 'April Fool!' tih ka thawn zui nghal zat a! 'A ni maw.. April fool a ni tih ka lo hre lo reng reng a..' tiin min reply ve leh mai...hahaha. Zahzelah a tha phian asin! :-)

    ReplyDelete
  19. hahhaa..." i kai chiang mai" tih khi ka duh ber. Aawm lova ta thu awmze ril leh turu lutuk, hlimawm bawk si han phuhchhuak tur hian ruat lawk te hi i ni hial law maw ka ti thin.

    ReplyDelete
  20. @Beethugs, Khaih khaih khaih! I tizahthlak thin em mai. Blog chhiar thinte hi in puitling hlawm em a, mualpho lovin kan la awm hram hram a nih zawk hi.

    ReplyDelete
  21. Hehe...a nih duh hmel hle tak mai. Nang hi i tih tak tak ka ring tlat mai...

    Hmangaihna hi kan ti vul chuk reng a, engemaw a nih chiah le. Physical Attraction te hi hmangaihna ah kan puh mai mai alawm. Infatuation te hi awm thei deuh ania. Tuaite, fimkhur teh, i la naupang sia..haha.

    Hmangaihna te pawh risk vek alawm. Inngainatna in a hrin, itna in a hrin, kan relation kha enge a lungphum chiah tuman kan hre thei tak tak lo, risk pawp ani mai.

    ReplyDelete
  22. @Sheldie, a ni khawp mai. Hmangaihna hi ka ti tuah hum ringawt a, fimkhur ka ngai khawp mai. I mi fuihnaah ka lawm takzet e.

    ReplyDelete

Eng nge i ngaihdân?

Subscribe to RSS Feed Twitter-ah pawh ka awm e!